復活節又到喇！既然都係無得飛，要留係香港既日子，不如趁呢個假期，一家大細或者同朋友仔去行吓山，吸啖新鮮空氣，欣賞沿途大自然美景！
大家放假時想逃離繁忙既生活去放鬆一吓，其實唔少行山途中都有大草地可以去野餐，部份野餐地點除了有大草地還可看海景，可以CHILL吓又唔駃餓親！
城門水塘睇靚景
很多人話城門水塘係行山入門之選，因為易行，而且沿途風景靚，都啱一家人去。大家係咪覺得有D唔口面?除了平日好多KOL介紹過之外，仲有唔少電影同電視既拍攝場地，有古裝民初劇集同武俠電影，就知道個景有幾正！另外，鐘意牛牛同馬騮仔既朋友，就唔好錯過喇！沿途會突然見到佢地出沒，仲會有馬騮仔貪玩搶你手上野食架！
城門水塘
全長：約8公里
交通：荃灣兆和街乘專線小巴82號上山，假日也可乖坐94S小巴，由如心廣場出發
特色：大部份路段有樹蔭，可能馬騮出沒架
龍脊睇日出
沿途可遠眺附近一望無際既大海景色，仲可以極佳既角度睇到石澳、大浪灣、赤柱、大潭水塘，都幾開心架！
大家可以由土地灣出發，上到山頂「打爛埕頂山」，然後可選擇由「石澳郊野公園」、「歌連臣山」或「大浪灣村」離開。
早起身就到時間就可以日出景象，都係一個睇日出的好地方！如果假期晏左出發既朋友，就去睇吓日落都唔錯架！
龍脊
全長：約9.5公里
交通：筲箕灣地鐵站A3出口乘9號巴士，於土地灣落車
特色：沿路可欣賞石澳、大浪灣同埋遠處清水灣半島景色。
大潭水塘景色宜人
大潭郊野公園站落車之後，沿著行人道往大潭童軍中心方向稍稍下降，在行人道落差較低處走回馬路。返回大潭道後，要橫越車道至大潭水塘南門。越過閘口，沿著大潭水塘道先後經過四道古橋，沿路冇梯級、可供輪椅進入的燒烤區。但呢度並冇設置涼亭供遮蔭地方，真係要「好天曬，落雨淋」，係有美中不足！
大潭水塘
全長：約8公里
需時：約3-4小時
交通：於西灣河鐵路站A出口搭14號巴士，於大潭水塘/大潭郊野公園落車
特色：易行，沿路有唔少水壩建築
寶 雲 道 睇 維 港 風 景
橫 掛 在 歌 賦 山 山 腰 既 寶 雲 道 ， 居 高 臨 下 ， 可 睇 到 九 龍 半 島 及 維 港 既 風 景 。係 地 勢 較 高 及 開 揚 環 境 ， 空 氣 當然清 新 ， 亦 較 鬧 市 涼 。 不 失 為 市 區 中 一 個 遊 車 河 的 好 去 處 ！寶 雲 道 沿 堅 尼 地 道 金 鐘 一 段 附 近 轉 上 陡 斜 的 寶 雲 徑 ， 在 寶 雲 徑 上 斜 中 途 會 遇 見 一 配 水 庫。
寶 雲 道
全長：約4.8公里
需時：約2小時
交通：港島專線小巴9號線
特色：易行，維港既風景
嘉頓山的日與夜
嘉頓山個名係出自嘉頓麵包廠附近的小山丘，但其實佢又叫窩仔山、水庫山、喃嘸山或主教山，但始終「嘉頓山」既好聽、又易記。嘉頓山是攝影好去處，建議黃昏時間上山，避開烈日之餘，又可以拍到日落及夜景。要走上嘉頓山，可以沿著深水埗美荷樓後面的晨運徑走，踏上大約400級樓梯，就可以登上山了！
交通：深水埗站D出口，步行10分鐘便到達
特色：環視九龍景貌，很多攝影愛好者會於黃昏及晚上前來拍日落及夜景
